Spökenkieken - de twete Versöök

PaulEberhartd on Jan. 17, 2013

Moin Lüe! Deit mi leed, dat dat mal woller so lang duert hett mit mi. Jichenswann ward dat noch better... Jou, jou, dat segg ik jümmers, aber ik meen dat so. Tominnst glööv ik dat sölbens, wenn dat ok anners keen een deit. :/

Us Sophie (ik segg ok jümmers Zoffie to ehr, aber dorüm mutt ik dat nich so schrieven) bruukt woll noch'n beten, bet se sat henkriggt mit'n Spökenkieken; is man allens nich so licht as't lett, is dat nich! :) De Töversprook is blots'n anner Stell vun den, den ehr Gundi bi'n eersten Versöök http://www.drunkduck.com/Gundula_un_de_Stuventiger/5416161/ bibracht hett. Wiel dat jümmers jichenseen gifft, de dat weten will: Dat heet:

Vun de Steen, de in de Eer wasst,

An düsse Döör stunn ik

Wieldes sung ik di Töverleeder (de goote Sort, de de gooten Geister wechjagt, un de bösen glieks mit)

Wat ik vergahn Mal, as wi in düssen Ruum weern, nich seggt hebb, wiel de Kommentar to lang worrn weer: Dat grote Ding achter Sophie ehrn Kopp heet Hólastafur. Egens is dat, üm'n Döör in'n Bult to maken - de Lüe duch sik, dat een so in de Ünnerwelt kamen kunn, wo de Geister vun de Doten wahnt un Elben ok un sowat. Dat gung ok ganz anners, de hebbt nich sowat bot, de hebbt dat op'n Stück vun'n Vagelbeerbaam ritzt, un de Rillen mit Bloot vun ünner de Tong rot maakt. Ik funn aber, dat steit Gundi better to Gesicht, wenn se Krischan rankriggt, de ehr dat ut olle Bretters, 'n Gewindestang un'n Rad vun'n Kinnerfahrrad tosammklütert. Villicht hett se dat ok sölbens maakt.

So. Un dat lütte Schild, op den in Sütterlin "Ik bün nich doot" mit'n Schrievfehler steit, dat is'n Hommasch an Terry Pratchett. Sien Bökers hebbt mi jümmers bannig inspireert. De Engelschen laat ik dat raten - de weet dat - also nich vörseggen. ;)

Kiekt mal woller rin!